الجمعة، 24 يناير، 2014

لو طالب ايدها اتجوزها.....!!!!!!

لما اتجوزها هطلقها


أصلها مـ الاخر لامؤاخذه


شكلها بطال


عايزالها خبير فى السكه شمال


و ده طبعا باين مــ العنوان

مبطون مــ الجوع

محتاج لغموس الجوع الحاف

يعنى الغلبان
مالهوش فى شقائق الاعيان

مع أنه ماكانش و على بالى

أقابلها فـ يوم

ما هى شبه الدوم

وحمارها خضار

يمكن أخرتها الشىّ بنار

شكلها بينرفز نزواتى

وانا ساعة الجد

بكون الحد

اللى ما بيشوفش تراب رجليه

ده مكانش سؤال للفكهانى

علشان رده بيكون إفيه

لو طالب ايدها اتجوزها.....!!!!!!

وانا جاى احاسب مش اناسب

عن اسم الفاكهه المغموره

فــ شرع المجاذيب

طلعت مــ الاخر افوكادو

محتاجه مرافعة افوكاتو

بلسان عينه مــ اللى اسمه الديب

يمحى البينه

ويحلل عيب

وجنابه عشان انسان رغاى

وشايفنى إزاى؟

كان رده خسيس

و عملنى حوار فى البحر طحين

وما اخدش سيادته ولا مليم

فكهانى لئيم

بلسان إبليس

باعهالى بلاش

و اكمنى رضيت بالعرض رخيص

اصبح دستور البيعه فلاش

شبه المنولوج

من غير صوره

ما رحمش العين المكسوره

و رفض يدينى معاه كتالوج

ليست هناك تعليقات: